Saýda mınıstri azyq-túlik baǵasyn turaqtandyrý joldaryn usyndy
«Qazirgi ýaqytta memlekettik organdar baǵany turaqtandyrý boıynsha Jol kartasynyń sharalaryn iske asyrý boıynsha jumys júrgizýde. Búginde 12 is-shara oryndalmaǵan, onyń ishinde Aýyl sharýashylyǵy mınıstrligi 9 sharany oryndamaǵan, Saýda jáne ıntegratsııa mınıstrligi - 2, jergilikti atqarýshy organdar - 1», - dedi Saýda mınıstri búgingi Úkimet otyrysynda.
Osyǵan baılanysty Saýda mınıstri Úkimet basshysynan kelesi tapsyrmalardy berýin surady.
«Aýyl sharýashylyǵy mınıstrligine birinshiden, shuǵyl túrde aı saıyn ózektendire otyryp, azyq-túlik taýarlarynyń óndirisi, ımporty, eksporty, qolda bar qorlar men tutyný teńgeriminiń boljamyn ázirleý kerek. Bul, baǵanyń ósýine yqpal etý faktorlaryna ýaqtyly taldaý júrgizýge múmkindik beredi.
Ekinshiden, sýbsıdııalar alǵan kezde áleýmettik mańyzy bar azyq-túlik taýarlaryna baǵany turaqtandyrýǵa baǵyttalǵan aýyl sharýashylyǵy taýaryn óndirýshilerine naqty qarsy mindettemelerin engizýdi jedeldetý qajet», - deıdi B. Sultanov.
Sonymen birge, ákimdikterge forvardtyq satyp alýdy qarjylandyrýdy 10 mlrd teńgege deıin jáne «aınalym shemasyn» qarjylandyrýdy 50 mlrd teńgege deıin jetkizý usynyldy.
«Sizdiń birinshi orynbasaryńyz bul tapsyrmany birneshe ret oblystarǵa jetkizdi. Degenmen ol tapsyrmany oryndaýdy pysyqtaý qajet. Ekinshiden, saýda sýbektileriniń baǵalardy turaqtandyrý jónindegi memorandýmdarda kózdelgen mindettemeleriniń oryndalýyn qatań baqylaýǵa alý qajet», - deıdi Saýda jáne ıntegratsııa mınıstri.
Buǵan deıin mınıstr Qazaqstanda kartoptyń ne sebepti qymbattaǵanyn túsindirdi jáne máseleni sheshý joldaryn usyndy.
Sábiz boıynsha da otandyq ónim qory jyl basymen salystyrǵanda 5 ese tómendedi jáne sábiz tapshylyǵy baıqalýy múmkin.