Saýda mınıstri Jańa jyl dastarhany týraly: Bári tábet pen ámııanǵa baılanysty

<p>Májilistegi saýda saıasatyn damytý máselelerine arnalǵan Úkimet saǵatynan keıin BAQ ókilderiniń saýalyna jaýap bergen Saýda jáne ıntegratsııa mınıstri Arman Shaqqalıev Jańa jyl dastarhanynyń baǵasy týraly pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Senbide sizderdiń áriptesterińizben birge („Obojaıý“ You Tube arnasy týraly aıtyp otyr — red.) bazarǵa bardyq. Ózim de tańǵaldym, biraq bul Jańa jylǵa arnalǵan sebet emes edi. Іri kólemde azyq-túlik satyp alǵanmyn, ol maǵan 24 myń teńgege tıdi.
Dástúrli Jańa jyl dastarhany 37 túrli taýardan turatyny túsinikti. „Olıve“, „Seld pod shýboı“, mandarın, ananas sııaqty taýarlardyń baǵasyna kelsek, 9,8 paıyz qymbattaǵanyn eseptep shyǵardyq.
Men aıttym, 37 túrli taýardyń bárin satyp alǵan joqpyn. Bazardaǵy bir áje aıtqan sóz unady: „bári tábetińiz ben ámııanyńyzǵa baılanysty“. Men de solaı der edim», — dedi mınıstr.

Onyń paıymynsha, ortasha tutyný sebeti osynsha turady dep aıtý múmkin emes.

«Men qurma, qyzanaq, qııar, et, sút ónimderin, eki shelpek aldym. Jalpy jaqsy bir standartty sebet aldyq. Soǵan 24 myń teńge berdim. Bazar bolǵan soń saýdalastyq, árıne.
Jańa jyl árkimniń jeke merekesi. Biraq bári „Olıve ındeksine“ qaraıdy degendeı ǵoı. Sondyqtan bári tábetińiz ben ámııanyńyzǵa baılanysty», — dedi Arman Shaqqalıev.