Saýd Arabııasynyń energetıka mınıstri munaı naryǵyn turaqtandyrǵysy keledi

ASTANA. QazAqparat - Bul pikirin ol jeksenbi kúni Reseıdiń energetıka mınıstri Aleksandr Novakpen bolǵan kezdesýi barysynda málim etti. Bul týraly QazAqparat lenta.ru basylymyna silteme jasap habarlaıdy.

Onyń sózinshe, kelissózder qazirgi tańda OPEK pen ózge de munaı óndirýshi elder arasyndaǵy ózara kelisimdi úılestirýdegi mańyzdy shara bolyp otyr.

«Búgingi kezdesý Saýd Arabııasynyń munaı naryǵyn retteýge degen umtylysyn anyq baıqatty»,-dedi ol.

Al-Falıh Máskeý men Er-Rııadtyń munaı naryǵy úshin serpilis týdyratyn ustanym bildiretindigine senim artady.

Al-Falıh 10 qazanda munaı barreliniń 2016 jyldyń sońynda 60 dollarǵa jetetini týraly boljamyn aıtqan bolatyn.

Saýd Arabııasy energııatasymaldaýshyny óndirý isin turaqtandyrý isinde reseılikterge úlken úmit artyp otyrǵan kórinedi.

OPEK elderi munaıdy artyq óndirýdi toqtatýdy 28 qyrkúıekke josparlaǵan bolatyn. Kartel qatysýshylary óndiris kólemin kúnine 32,5 mln barrelden asyrmaımyz degen shekteý qoıdy. Sońǵy sheshim qarashada ótetin basqosýda qabyldanady.