Saýd Arabııasyndaǵy jaǵdaıǵa baılanysty Brent baǵasy $70-ǵa jetýi múmkin - sarapshylar

ASTANA. QazAqparat - Sarapshylar Saýd Arabııasyndaǵy jaǵdaıǵa baılanysty Brent munaıy barreliniń quny az ýaqyt ishinde $70-ǵa jetýi múmkin, alaıda keı faktorlar bir barreldiń baǵasy $60 jáne odan tómen bolýy múmkin ekenin de kórsetedi, dep habarlaıdy TASS.

2015 jyldyń jazynan bastap munaı baǵasynyń eń joǵarǵy kórsetkishke jetýi, bir jaǵynan, Saýd Arabııasyndaǵy sheneýnikterdi sybaılas jemqorlyq úshin qamaýǵa alýǵa baılanysty bolǵan, dep esepteıdi sarapshylar.

Sarapshylardyń baǵalaýy boıynsha, Brent baǵasy  osylaı óse berse, barreline $70-ǵa deıin jetýi múmkin.

Degenmen, ekonomısterdiń pikirinshe, baǵanyń ósýi qazirgi ýaqytsha jańalyqtardyń ózektiligin saqtaýyna da baılanysty bolýy múmkin. Keıinirek fýndamentaldy tarap basym túsip, Brent markaly munaıdyń baǵasy barreline $60-ǵa túsýi yqtımal.

Aıta keteıik, Saýd Arabııasynyń hanzadasy Al-Valıd ben Talıal ben Abdel Azız Al Saýd ben burynǵy memlekettik mınıstr Ibragım ben Abdel Azız al-Asafdty 5 qarasha kúni Saýd Arabııasynyń quqyq qorǵaý organdary ustaǵan edi, olarǵa qatysty tergeý júrgizilip jatyr. Senbi, 4 qarasha kúni Sybaılas jemqorlyqqa qarsy is-qımyl joǵary komıteti qazirgi bılik etip otyrǵan otbasynyń 11 hanzadasyn, sondaı-aq birneshe ondaǵan mınıstrdi jemqorlyq jasady degen kúdikpen ustady. Osy jaǵdaılar 6 qarashadaǵy saýda barysyna áser etti.