Saýd Arabııasynda jalǵan salafızmniń ýaǵyzshysy «Nazratýllah ábý-Marııam» ustaldy

ASTANA. QazAqparat - Saýd Arabııasy Koroldiginiń quqyq qorǵaý organdary Medına qalasynda «Nazratýllah ábý-Marııam» degen atpen tanylǵan jalǵan salafızmniń ýaǵyzshysy Nazratýlla Abdýqadyrovty ustady, dep habarlaıdy QazAqparat.

Astana Din problemalaryn zertteý ortalyǵynyń sarapshylary bergen málimetterge qaraǵanda, «Nazratýllah ábý-Marııam» uzaq ýaqyt boıy Internette jalǵan salafızmdi ýaǵyzdaýmen aınalysqan. Saýd Arabııasynda júrip QR jáne TMD memleketteri azamattarynyń arasynda zańǵa qaıshy, jergilikti jamaǵatqa búldirgish yqpaly bar ýaǵyzdar júrgizgen.

«Bul adam destrýktıvti ıdeologııany jaqtaǵan Saýd Arabııasynda júrip,  ózimen nanym-senimi bir adamdar arqyly Qazaqstanda soqyr dinı kózqarastaryn belsendi túrde taratyp, úgittegen.

Onyń «qasıetti jerde» ustalýy zańdy oqıǵa boldy. Bul jaǵdaı Saýd Arabııasy Koroldigi progresshil Islamdy ustana otyryp, basqa musylman elderimen ornatylǵan qarym-qatynastardy baǵalaıtynyn dáleldeıdi.

Buryn dinaralyq arazdyq týdyratyn ýaǵyzdar taratqan Ábdýhalıl Ábdýjabbarovtyń (sheıh «Halıl») ustalyp, Qazaqstanǵa berilýi de osynyń aıǵaǵy», - deıdi ortalyq mamandary.