Saýd Arabııasynda «Tomırısti» sońǵy jyldary shyqqan sapaly tarıhı fılm dep baǵalady

ER-RIıAD. QazAqparat - 2022 jylǵy 24 qarasha - 14 jeltoqsan - Saýd Arabııasyndaǵy dıplomatııalyq korpýsta «Ambassadors Choice International Film Festival» kınofestıvali ótti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Festıvalge Qazaqstanmen qatar Úndistan, Ispanııa, Aýstralııa, Kýba, Shvetsııa, Bangladesh, AQSh, Lıvan, Saýd Arabııasy, Aljır, Lıvan, Palestına sııaqty elder qatysty.

Kınofestıval aıasynda rejısser Aqan Sataevtyń «Tomırıs» atty qazaqstandyq kórkem fılmi kópshilikke usynyldy. Kıno ejelgi grek tarıhshysy Gerodot Galıkarnastyń massaget patshaıymy týraly áńgimeleıtin shejirelerine negizdelgen.

Fılm jergilikti kórermender men dıplomatııalyq korpýs ókilderiniń oń pikirlerin aldy. Tamashalaýǵa kelgender otandyq kıno akterleriniń oıynyn joǵary baǵalady. Olar sondaı-aq eń kúrdeli jaýyngerlik, shabandozdyq sheberlik kórinisteriniń aýqymy men oryndalýyn atap ótti jáne «Tomırıs» fılmin sońǵy jyldardaǵy sapaly tarıhı fılmderdiń biri dep atady.

Ashyq kózderden alynǵan foto