Saýd Arabııasynda qajylyq bastaldy

DJIDDA. QazAqparat – Saýd Arabııasyndaǵy Mekke qalasyna búgin mıllıonnan astam adam qajylyq jasaý úshin jınaldy, dep habarlaıdy QazAqparat tilshisi AlJazeera-ǵa silteme jasap.

2020 jáne 2021 jyldary koroldik bıligi koronavırýs pandemııasyna baılanysty qajylyqqa kelýshiler sanyna shekteý qoıǵan edi. Sondyqtan bıyl adam kóp jınaldy.

Alaıda, qajylyqqa barǵandar pandemııaǵa deıingi deńgeıge jetpeı tur. 2019 jyly bul kórsetkish 2,5 mln adamdy quraǵan bolatyn.

Bıyl Saýd Arabııasy 1 mıllıon qajylyqqa kvota belgiledi, sonymen qatar qatań talaptar qoıdy: qajylyqqa kelýshiler jasy 65-ten aspaýy kerek jáne COVID-19-ǵa qarsy ekpe sertıfıkaty bolýy tıis.

Mekkede, Medınada jáne Djıddada búgin aýa temperatýrasy 28-43 gradýs aralyǵynda, dep habarlaıdy SPA Saýd baspa agenttigi.

Qajylyq kezeńinde aýa temperatýrasy joǵary bolatyndyqtan, Saýd Arabııasynyń densaýlyq saqtaý mınıstrligi kún astynda ystyq ótken adamdarǵa 238 jatyn oryn ázirlep qoıdy.

Budan bólek, Mınada 550 oryndyq 4 aýrýhana men 26 medıtsına ortalyǵy, 175 jedel járdem kóligi daıyn tur. Sondaı-aq, qajylyqqa 3 júzden astam múmkindigi shekteýli jandar, jetim balalar kelgen. Olar keshe Djıdda qalasyndaǵy áýejaıǵa keldi. Qajylyq bes kún ótedi. Musylman kúntizbesi boıynsha Zý-l-hıdja aıynyń 8-12, Grıgorıan kúntizbesimen 7-12 shilde aralyǵynda.