Saýd Arabııasynda Qazaqstan týraly kitap arab tilinde jaryq kórdi

ER-RIıAD. QazAqparat – QR Tuńǵysh Prezıdenti kúni jáne Qazaqstan Táýelsizdiginiń 30 jyldyq mereıtoıy aıasynda arab tilinde jaryq kórgen «Qazaqstan – damýdyń 30 jyldyǵy» kitaby tanystyryldy. Kitap Saýd Arabııasynda Qazaqstan Elshiliginiń uıytqy bolýymen jaryq kórdi, dep habarlaıdy QazAqparat tilshisi.

Basylym avtorlary - Saýd Arabııasynda Qazaqstan Elshisi Berik Aryn, Orys-arab zertteýleri jáne aqparat qorynyń tóraǵasy M.At-Týrkı, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń tóraǵasy B.Sársenbaev, Qazaqstandaǵy Saýd Arabııasy Koroldiginiń burynǵy Elshisi H.Alenezı, sonymen qatar birqatar saýdııalyq sarapshylar.

«30 jyl ishindegi Qazaqstannyń negizgi tarıhı oqıǵalary sıpattalǵan kitap barlyq oqyrmandarymyz úshin qyzyqty ári paıdaly bolady jáne arab tildi aýdıtorıǵa elimizdi jáne Táýelsizdik kezeńindegi jetistikterin jete bilýge múmkindik beredi», - dedi kitaptyń tanystyrylymynda Berik Aryn.

Kitapta Táýelsiz Qazaqstannyń negizgi tarıhı oqıǵalary baıandalyp, elimizdiń syrtqy saıası, áleýmettik-ekonomıkalyq jáne mádenı-gýmanıtarlyq salalardaǵy basty baǵyttary sıpattalǵan. Ultaralyq jáne dinaralyq kelisimniń qazaqstandyq modeli men Elbasynyń Álemdik jáne dástúrli dinder kóshbasshylary sezin shaqyrý jónindegi bastamasyna jeke bólim arnalǵan.

Sonymen qatar kitapta túrli baǵytta qazaqstandyq-saýdııalyq yntymaqtastyqty damytýdyń mańyzdy kezeńderi qamtylǵan. QR Tuńǵysh Prezıdenti – Elbasy Nursultan Nazarbaevtyń qazaq memleketin qurý, Qazaqstan men Saýd Arabııasy arasyndaǵy dostyq qarym-qatynasty ortatý jolyndaǵy tarıhı róline aıryqsha nazar aýdarylǵan.