Saýd Arabııasynan Qazaqstanǵa salynǵan ınvestıtsııalar sońǵy 10 jylda 94,3 mln dollarǵa jetti

ASTANA. QazAqparat - Bul týraly búgin Parlament Senatynyń jalpy otyrysynda QR Qarjy mınıstri Baqyt Sultanov málim etti. Eske salaıyq, jalpy otyrysta «QR Úkimeti men Saýd Arabııasy Koroldiginiń Úkimeti arasyndaǵy tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııany jáne oǵan Hattamany ratıfıkatsııalaý týraly» QR Zańy qabyldaǵan bolatyn.

«Qazaqstan men Saýd Arabııasy Koroldigi arasyndaǵy taýar aınalymy sońǵy 10 jylda 268 mln AQSh dollaryn, onyń ishinde 2015 jyly 16,4 mln AQSh dollaryn qurady. Qara metaldan jasalǵan buıymdar, tazartylǵan mys jáne mys qospalary Qazaqstan eksportynyń negizgi baptary bolyp tabylady. Import qurylymynda dárilik zattar men plastmassalar sııaqty taýarlar basymdyqqa ıe. Saýd Arabııasynan Qazaqstan Respýblıkasyna sheteldik ınvestıtsııalar sońǵy 10 jylda 94,3 mln AQSh dollaryn, onyń ishinde 2015 jyly 8,3 mln AQSh dollaryn qurady», dedi mınıstr B.Sultanov.

Jalpy konventsııany ratıfıkatsııalaý memleketter arasynda ekonomıkalyq qarym-qatynastardy keńeıtýge qosymsha serpin beredi, qolaıly ınvestıtsııalyq ahýal jasaıdy.