Saýd Arabııasy ShYU-na «dıalog seriktesi» retinde qosylmaq

ER-RIıAD. ANADOLY. QazAqparat – Saýd Arabııasy Shanhaı yntymaqtastyq uıymyna (ShYU) «dıalog seriktesi» retinde qosylýǵa nıet bildirip otyr, dep habarlaıdy QazAqparat Túrkııanyń Anadoly agenttigine silteme jasap.

Mundaı usynysty koroldik úkimeti 29 naýryz kúni maquldaǵan.

«Dıalog seriktesi» mártebesi halyqaralyq uıymnyń tolyqqandy múshe bolýǵa degen alǵashqy qadam.

QHR Tóraǵasy Sı Tszınpın Er-Rııadqa 2022 jyldyń jeltoqsanynda barǵan edi.

Saýd Arabııasy men Qytaı kezdesýi barysynda «Strategııalyq seriktestik jónindegi tolyqqandy kelisimge» qol qoıyldy.

Aıta keteıik, qazirgi tańda Shanhaı yntymaqtastyq uıymyna Úndistan, Qazaqstan, Qytaı, Qyrǵyzstan, Pákistan, Reseı, Tájikstan jáne Ózbekstan múshe. Al Aýǵanstan, Belarýs, Iran men Mońǵolııa baıqaýshy-elder mártbesine ıe. Sondaı-aq Ázerbaıdjan, Armenııa, Kambodja, Nepal, Týrtsııa jáne Shrı-Lanka seriktes elder qatarynda.

2022 jyldyń 16 qyrkúıeginde Samarqandtaǵy sammıtte dıalog seriktesi retinde Egıpet, Katar jáne Saýd Arabııasymen memorandýmǵa qol qoıyldy. Sondaı-aq Bahreın, Kýveıt, Maldıv, Mıanma jáne Birikken Arab ámirlikterine dıalog seriktesi mártebesin berý týraly sheshim qabyldanǵan bolatyn.