Saýd Arabııasy munaı baǵasyna qatysty boljam jasady

ASTANA. QazAqparat - Búgin Astanada ótken energetıka jónindegi VIII Halyqaralyq forýmyna Saýd Arabııasynyń energetıka mınıstri Halıd ál-Falıh qatysty. Sharadan keıingi baspasóz máslıhatynda ál-Halıd myrza munaı baǵasyna qatysty suraqqa jaýap berdi, dep habarlaıdy QazAqparat tilshisi.

«Endi, munaı baǵasynyń naqty baǵasyn boljaý qıyn. Sebebi oǵan kóptegen faktorlar áser etedi. Budan bólek, geosaıası jáne makroekonomıkalyq sebepter taǵy bar. Degenmen, biz mınıstrler deńgeıinde osy máselege áser ete alamyz. Qazir negizgi maqsat - munaı salasyndaǵy tepe-teńdikti saqtaý. Sebebi munaıdan túsetin qarjy bir aımaqta shoǵyrlansa, turaqsyzdyq bolady. Ondaıǵa jol bermeý kerek. Sosyn usynys pen suranystyń arasynda teńdik bolýy tıis. Sonda munaıdyń baǵasy da ózgeredi. Degenmen, aldaǵy ýaqytta munaıdyń baǵasy úsh mándi sanǵa jetedi dep aıta almaımyn. Sebebi usynys suranystan basym bolady», - deıdi Halıd ál-Falıh.

Aıta keteıik, búgin EKSPO-2017 kórmesi aıasynda energetıka jónindegi VIII Halyqaralyq forýmy men osy saladaǵy mınıstrlerdiń kezekti konferentsııasy ótti. Otyrys barysynda RF energetıka mınıstri Aleksandr Novak Eýropanyń qazirgi ustanymyna óz eliniń renishin bildirdi.