Saýd Arabııasy qajylyqqa kelýshilerdi koronavırýsqa qarsy ekpe alǵan jaǵdaıda ǵana qabyldaıdy

KAIR. QazAqparat – Musylman qajylary jańa koronavırýsqa qarsy vaktsınatsııadan keıin ǵana Mekke men Medınedegi qasıetti oryndarǵa úlken jáne kishi qajylyqqa bara alady. Mundaı sheshimdi Saýd Arabııasy bıligi qabyldady, dep habarlaıdy QazAqparat TASS agenttigine silteme jasap.

«Qajylyqqa qatysýdyń basty sharty – jańa koronavırýsqa qarsy vaktsına saldyrý», - delingen eldiń densaýlyq saqtaý mınıstri Taýfık ar-Rabıanyń málimdemesinde.

Bıyl úlken qajylyq shildeniń ekinshi jartysyna dóp kelip otyr. Byltyr pandemııaǵa baılanysty qajylyq tek 10 myń adamnyń qatysýymen ótti, onyń 30%-y saýd arabııalyqtar, 70% -y elde turatyn sheteldikter. Shetelden kelgen qajylar qajylyqqa jiberilmedi. Arnaıy ruqsattardy berý kezinde basymdyq 20-dan 50 jasqa deıingi sozylmaly aýrýlary joq, jańa koronavırýsty juqtyrmaǵan, buryn qajylyq ótemegen jáne karantın kezeńine tótep berýge daıyn adamdarǵa berildi. Olardyń arasynda koronavırýspen aýyryp shyqqan dárigerler de boldy. Sheteldik jýrnalısterge sharany jarııalaýǵa tyıym salyndy.

Ótken jyldyń qarasha aıynan bastap Saýd Arabııasy 50 jasqa deıingi qajylyqqa kelýshilerge PTR synaǵy teris bolǵan jaǵdaıda ǵana kishi qajylyqqa kelýge elge birtindep kirgize bastady.