Saýd Arabııasy Azııa tutynýshylary úshin munaı baǵasyn arttyrdy

ASTANA. QazAqparat - Saýd Arabııasy osy jylǵy sáýirden bastap Azııa elderi tutynýshylaryna munaı baǵasyn kóterdi, dep habarlady TASS Financial Times gazetine silteme jasap.

Basylym bul qadamdy «iri jáne ol úshin eń mańyzdy naryqta suranysqa jaǵdaı jaqsaryp jatqandyǵynyń» belgisi retinde baǵalady.

Ulttyq Saudi Aramco kompanııasy sáýirden bastap Arab Light markaly munaıdyń barreline resmı satý baǵasy azııalyq klıentter úshin $0,25 ulǵaıatynyn málimdedi. Osylaısha, Oman/Dýbaı óńiri úshin ortasha baǵadan jeńildik 1 dollardan 0,75 dollarǵa tómendeıdi. Aramco Azııaǵa óz munaıynyń basqa da eki surybyn jetkizý baǵasyn $0,25 - $0,35 ulǵaıtty.

«Ulǵaıtý alypsatarlyqty álsiretýi tıis, sebebi iri óndirýshi OPEK óńirlik qarsylasy Iranmen baǵa soǵysyna ázirlenýi yqtımal. Bul qańtarda 13 aılyq eń tómengi mejege jetkennen keıingi ósken baǵany qosymsha qoldaýǵa múmkindik beredi», - dep jazady basylym.