Saýd Arabııasy Koroldigimen birlesken ınvestjobalar júzege asyrylmaq

<p>QR Premer-Mınıstri Álıhan Smaıylovtyń tóraǵalyǵymen ótken keńeste Saýd Arabııasy Koroldigimen birlesken ınvestıtsııalyq jobalardy júzege asyrý máseleleri<strong data-entity-type="MessageEntityBold">&nbsp;</strong>talqylandy, dep habarlaıdy <a href="https://kaz.inform.kz/" target="_blank" rel="noopener">Kazinform</a> QR Úkimetiniń baspasóz qyzmetine silteme jasap.&nbsp;</p>

Atap aıtqanda, Jetisý oblysynda qýattylyǵy 1 GVt bolatyn iri jel elektr stantsııasyn salý jobasy talqylandy.

Qazirgi ýaqytta daıyndyq jumystary júrip jatyr, sońǵy kelisimge qol jetkizilgennen keıin, 2025 jyly qurylysty bastaý josparlanǵan.

Premer-Mınıstr ákimshilik rásimderdi jedeldetýdi jáne ortalyq memlekettik organdar tarapynan barlyq qajetti sheshimderdi bir kúnde ázirleýdi tapsyrdy.

Sondaı-aq keńeste aýyl sharýashylyǵy, farmatsevtıka, metallýrgııa jáne t. b. salalarda jańa jobalardy júzege asyrý máseleleri talqylandy.

Álıhan Smaıylov Saýd Arabııasynyń ınvestorlarymen jumysty barlyq deńgeıde jandandyrý qajettigin atap ótti.

Premer-Mınıstr Úkimetaralyq komıssııanyń taıaýda bolatyn otyrysy qarsańynda eki el kásipkerleriniń qatysýymen taqyryptyq bıznes-forým uıymdastyrýdy tapsyrdy.