Saýd Arabııasy astanasynda metropolıten iske qosyldy

<p>ASTANA. KAZINFORM &ndash; Er-Rııad qalasynyń koroldik komıssııasy dúısenbi kúni Saýd Arabııasynyń astanasynda metropolıtenniń resmı iske qosylǵanyn jarııalady, dep habarlaıdy Kazinform menshikti tilshisi.&nbsp;</p>

Er-Rııad qalasyndaǵy koroldik komıssııanyń málimetinshe, jeksenbide úsh jeli jumys isteı bastady, onyń ishinde negizgi áýejaıǵa deıin aparatyn bir jeli bar. Bul baǵyttar kók, sary jáne kúlgin syzyqtardy qamtıdy.

Jeksenbi, 14 jeltoqsanda metronyń taǵy eki jelisi (qyzyl jáne jasyl) iske qosylady. Sońǵysy, qyzǵylt sary syzyq 5 qańtarda iske qosylady. 

Foto: Saudi Press Agency

Osylaısha, Er-Rııad metropolıteni jalpy uzyndyǵy 176 shaqyrymdy quraıtyn alty negizgi jeliden turady. Júıede 85 stantsııa (onyń ishinde tórteýi negizgi) qyzmet atqarady. 

Metro 1083 shaqyrymdy, sonyń ishinde 776 stansadan turatyn 24 baǵyty bar avtobýs jelisine qosylǵan. Bul jobanyń jalpy quny shamamen 22,5 mlrd dollardy quraıdy. 

Jolaýshylar saparlaryn Er-Rııadtyń qoǵamdyq kólik jelisin (RPT) sharlaý men paıdalanýdyń yńǵaıly jáne tıimdi ádisin usynatyn «Darb» qoldanbasyn paıdalanyp saparlaryn josparlaı alady dep kútilip otyr. 

Er-Rııad qalasy boıynsha koroldik komıssııanyń buryn habarlaǵanyndaı, metro alǵashqy ashylý kezeńinde kúnine 1,7 mln jolaýshy tasymaldaıtyn bolady. Ýaqyt óte kele bul san tolyq qýatynda 3,6 mln-ǵa jetedi dep kútilip otyr. 

Foto: Saudi Press Agency

Jobanyń ózi 2012 jyly iske qosyldy. Bastapqyda ol 2018 jyly ashylady dep josparlanǵan bolatyn, biraq jyldar boıy kidiristerge tap boldy. 

27 qarashada metro jobasyn korol Salman bın Abdýlazız ashty. Metro Er-Rııadtaǵy kólik keptelisin 30 paıyzǵa azaıtady dep shamalanyp otyr.

Eske salsaq, buǵan deıin Saýd Arabııasynda sándi aral paıda bolǵany anyqtaldy.