Sátpaevta fýtbol alańynyń kúmbezi qulady

SÁTPAEV. QazAqparat – Sátpaevta kúshti jel saldarynan fýtbol alańynyń tóbesi qulady. Zardap shekkender joq,dep habarlaıdy QazAqparat.

Oqıǵa, búgin saǵat 14-30-da boldy. Kúshti jeldiń yqpalymen fýtbol alyńynyń kúmbezi eki jaǵynan julynyp ketti.

«Іshtegi adamdar syrtqa shyǵaryldy. Zardap shekkender joq», - delingen Sátpaev qalalyq ákimdiginiń baspasóz qyzmeti taratqan aqparatta.

Vedomstvo ókilderiniń habarlaýynsha, nysandy 2005 jyly «Qazaqmys» koporatsııasy salǵan.

2018 jyly sport nysany qalalyq sport bólimine, 2021 jyldyń qańtarynda oblystyq sport bólimine ótti.

Aıta keteıik, sınoptıkterdiń boljamy boıynsha búgin kúndiz Qaraǵandy oblysynyń ortalyǵy men ońtústiginde kún kúrkirep, burshaq jaýady, kúshti jel turady. Oblys ortalyǵynda jeldiń ekpini sekýndyna 15-20 metrge jetti. Oblystyń basym bóliginde tótenshe órt qaýpi saqtalady. Qaraǵandyda naızaǵaı oınap, tótenshe órt qaýpi saqtalady.