Satyp alý quqyǵymen jalǵa beriletin páter baǵasy qymbattaı ma
«Biz usynylǵan nusqalardyń aýadan alynbaǵany túsinikti bolý úshin aqparat berýge daıynbyz. Sońǵy 18-20 aıdaǵy baǵanyń qymbattaýyna qatysty aıta ketsem, bizdiń odaq jalǵa beriletin turǵyn úı salýshylardan satyp alý qunyn 380 myń teńgege arttyrýdy usynady. Bul jergilikti atqarýshy organdardyń jalǵa beriletin turǵyn úıdi naryqtaǵy baǵadan arzanǵa satyp alýǵa múmkindik beredi, al qurylys kompanııalary úshin bıznesiniń shyǵynǵa batpaýyna múmkindik beredi», - dedi Qazaqstan qurylysshylar odaǵy tóraǵasynyń orynbasary Valerıı Lakısov turǵyn úı saıasaty máselelerine arnalǵan dóńgelek ústel barysynda.
Onyń aıtýynsha, jergilikti atqarýshy organdar turǵyn úılerdi daıyn kúıinde satyp alǵysy keledi, ıaǵnı birden jalǵa berý úshin.
«Jalǵa beriletin turǵyn úı baǵasynyń ósýi qurylysshylar úshin jaqsy, al bar salmaq bıýdjetke túsedi. Aıtalyq, buryn 2 mlrd teńgege shamamen 100 páter satyp alsa, endi 2 mlrd teńgege 80 páter satyp alady. Al páterdi jalǵa alýshy onyń aıyrmashylyǵyn sezinbeıdi», - degen pikir qosty Otbasy bankiniń basqarma tóraǵasy Lázzat Ibragımova.
Óz kezeginde Ónerkásip jáne qurylys mınıstrligi qurylys jáne turǵyn úı-kommýnaldyq sharýashylyq isteri komıtetiniń bas sarapshysy Marat Jarbolov baǵanyń ósýi barlyq turǵyn úı jobalaryna qatysty emes ekenin aıtty.
«Bul tek Qazaqstandyq turǵyn úı kompanııasy iske asyratyn keshendi qurylys jáne satyp alý quqyǵymen jalǵa beriletin turǵyn úı jobalaryna ǵana qatysty. Basqalar úshin baǵa parametri ózgergen joq», - deıdi ol.
Aıta keteıik, búgin Qazaqstan qurylysshylar odaǵynyń uıymdastyrýymen «Qazaqstandaǵy turǵyn úı saıasaty: ınnovatsııa, jańartý jáne ıpotekalyq quraldar» taqyrybynda onlaın dóńgelek ústel ótti.
Іs-sharaǵa Ónerkásip jáne qurylys mınıstrligi, Qurylys komıteti, Qazaqstandyq turǵyn úı kompanııasy, Otbasy banki, Islam banki, Atameken UKP jáne bıznes qaýymdastyǵy ókilderi qatysty.