Satylǵan ulttyq kompanııalardyń qarajaty qaıda jumsalady – depýtat jaýaby
«Memleket basshysy jańartylǵan Úkimettiń keńeıtilgen otyrysynda ulttyq ekonomıkany ártaraptandyrýdy ulǵaıtý kerektigin aıtqan edi. Elimizde 2006 jyldan bastap kvazımemlekettik sektorlardy jekeshelendirý úrdisi júrip jatyr. Sonyń nátıjesiniń biri, ótken jyly kúzde «KEGOC» AQ jáne bıyl qańtarda Air Astana áýe kompanııasy IPO-ǵa shyǵarylyp, alǵashqy aktsııalary satyldy. Kompanııa aktsııalaryna suranys joǵary boldy», - dedi Bekbol Orynbasarov Senat qabyrǵasynda BAQ ókilderiniń saýalyna jaýap bere turyp.
Sondaı-aq, halyq qalaýlysy jekege satylǵan kompanııalardyń qarjysy qaıda jumsalatynyn aıtty.
«Túsken qarajattyń jartysy Ulttyq qorǵa jiberiledi, qalǵany sol kompanııanyń ishki máselelerin sheshýge jumsalady», - deıdi depýtat.
Aıta keteıik, búgin Senattyń Qarjy jáne bıýdjet komıtetinde 2021-2025 jyldarǵa arnalǵan jekeshelendirýdiń keshendi josparynyń sheńberinde kvazımemlekettik sektor sýbektileriniń aktsııalaryn ornalastyrý máseleleri talqylandy.