Sátbaevta terezeden sekirmek bolǵan qyzdy polıtseıler qutqaryp qaldy
23:15, 20 Mamyr 2023
SÁTBAEV. QazAqparat – Ulytaý oblysy Sátbaev qalasynyń polıtseıleri terezeden sekirmek bolǵan 17 jastaǵy qyzdy qutqaryp qaldy. QazAqparat bul týraly Rolisia.kz-ke silteme jasap habarlaıdy.
«20 mamyr kúni polıtsııa basqarmasyna qópqabatty úılerdiń birinde jas qyzdyń terezeden sekirgeli turǵany týraly habarlama kelip tústi.
Oqıǵa ornyna dereý jetken patrýldik polıtseıler Erbolat Beısenbekov pen Almat Óksikbaev terezeniń jaqtaýynda turǵan qyz balany kórdi», - delingen polıtsııa málimetinde.
Qos polıtseı sanaýly sekýndtarda qolaıly sátti paıdalanyp, qyzdy terezeden ishke tartyp alǵan.
«Qyz bala medıtsınalyq mekemege jetkizildi. Bul qadamǵa anasymen sózge kelispeı qalǵandyqtan barǵanyn aıtty», - dedi polıtsııadan.