Sátbaevta «Meıirim shýaǵy» qaıyrymdylyq aktsııasy qorytyndylandy

SÁTBAEV№ QazAqparat – Sátbaev qalasynda Táýelsizdiktiń 30 jyldyǵyna arnalǵan «30 ıgi is» respýblıkalyq marafony aıasynda ótken «Meıirim shýaǵy» qaıyrymdylyq aktsııasynyń qorytyndysy shyǵaryldy. Qalanyń Dostyq úıi janyndaǵy metsenattardyń bir ǵana klýby aqshamen, azyq-túlikpen, kıimmen kómektesti, merekeler men túrli is-sharalarǵa bir jarym myńǵa jýyq adamǵa qatysýǵa múmkindik berdi, dep habarlaıdy QazAqparat tilshisi.

Eriktiler men demeýshilerge qala ákimi Asqar Ydyrysov alǵysyn bildirdi:

«Muqtaj adamdarǵa kómektesýge jáne ıgilikti iske aqsha berýge daıyn adamdardyń sany únemi ósip keledi. Munyń dáleli – «Meıirim shýaǵy» qaıyrymdylyq aktsııasyn ótkizýge jerlesterimiz syıǵa tartqan ujymdar atynan aýdarylǵan jeke qarajat. Bizdiń kásipkerler men qarapaıym turǵyndardyń ózgelerdiń qaıǵysyna beı-jaı qaramaýy – bul adamnyń ıgi isteri men is-áreketterimen kóp nárse jasaı alatyndyǵynyń, tipti aınalasyndaǵy álemdi ózgerte alatyndyǵynyń jarqyn mysaly».

Qaıyrymdylyq qyzmettiń qorytyndysyn shyǵarý sharasynda erekshe qajettilikteri bar 30 adam 30 myń teńgege sertıfıkattar aldy, «Tehnodom» SÚ fılıalynan ata-anasynyń qamqorlyǵynsyz qalǵan eki balaǵa teledıdar berildi, «Vladımır Pepelko» JK-nen erekshe qajettilikteri bar balaǵa múgedekter arbasy syıǵa tartyldy.

Al múmkindigi shekteýli bala tárbıelep otyrǵan Agzamovtar otbasyna úsh bólmeli páterdiń kilti tabys etildi.

Jaqsylyq jasaýǵa árdaıym daıyn turatyndar da atap ótildi. Belsendi azamattyq ustanymy, túrli baǵyttaǵy qaıyrymdylyq qyzmeti úshin Sátbaev qalasynyń turǵyny Lýıza Myńbaeva «Jyl metsenaty» qurmetti ataǵyna ıe boldy. Jyl saıynǵy «Jomart Júrek» syılyǵynyń laýreattary arnaıy músinshemen jáne alǵys hatpen marapattaldy.