Sátbaev qalasynda balaǵa ıt shabýyl jasady – feık

JEZQAZǴAN. QazAqparat – Sátbaev qalasynda mektep jasyndaǵy balaǵa ıt shabýyl jasady degen aqparat shyndyqqa janaspaıdy. Bul týraly QazAqparat tilshisi Ulytaý oblysy ákimdiginiń áleýmettik jelidegi resmı paraqshasyna silteme jasap habarlaıdy.

«Qazir áleýmettik jelilerde Sátbaev qalasynda mektep jasyndaǵy balaǵa ıttiń shabýyl jasaǵany týraly aqparat tarap jatyr. Bul aqparat shyndyqqa janaspaıdy. Bizdiń oblysta mundaı oqıǵalar tirkelgen joq. Degenmen, balalardyń qaýipsizdigine jaýapkershilikpen qarap, olardy qaraýsyz qaldyrmaýǵa shaqyramyz. Ulytaý oblysynyń turǵyndaryn tek resmı aqparat kózderine senýge jáne qasaqana jalǵan aqparat taratpaýdy suraımyz», - delingen oblys ákimdiginiń Facebook paraqshasynda jarııalanǵan habarlamada.

Qosa keteıik, buǵan deıin ıt qaýyp alǵan Túrkistan oblysynyń turǵyny qutyrma aýrýynan qaıtys bolǵanyn habarlap edik.

Sonymen qatar byltyr Soltústik Qazaqstan oblysynda 900-ge jýyq adamdy ıt qapqan.

Foto: media.canal3.md