Sátbaev qalasynda áıeldiń basyna karnız synyǵy qulap tústi

<p>Sátbaev qalasynda dúkenge nan satyp alýǵa barǵan áıeldiń basyna turǵyn úı karnıziniń synyǵy qulap tústi. Kazinform agenttigi bul týraly <a href="https://almaty.tv/news/proisshestviya/1947-skhodila-za-khlebushkom-chast-karniza-upala-na-golovu-dgitelnitse-mnogoetadgki" target="_blank" rel="noopener">Almaty.tv</a>-ǵa silteme jasap habarlaıdy.</p>

Zardap shegýshi shuǵyl túrde aýrýhanaǵa jetkizildi. Turǵyndar oqıǵa bolǵan bes qabatty ǵımarat áldeqashan apatty jaǵdaıda ekenin, oǵan jóndeý qajet etkenin aıtty.

“Men eki jaraqat aldym. Basymda 10 santımetr jáne 4 santımetr eki jara bar. Eki kúnnen beri tósek tartyp jatyrmyn. Eńbekke jaramsyzdyq paraǵyn ashamyn, óıtkeni bul jaraqatpen uzaq ýaqyt emdelýim kerek», - dep bólisti jábirlenýshi Svetlana Golovko.

Oqıǵa bolǵan jer qorshaldy. Qalalyq turǵyn úı ınspektsııasy bólimi oqıǵanyń mán-jaıyn anyqtaýda. Búginde Sátbaev qalasynda 19 úı apatty, 6 úı apat aldy jaǵdaıda, 251 ǵımarat eski dep tanyldy.

“Turǵyn bizben jeke baılanysqan joq, biz dóńgelek ústel ótkizdik. Qyzmet kórsetetin «Súıikti qala» mekemesi barlyǵynan habardar. Olarǵa zań boıynsha ne isteý kerek, halyqpen qalaı jumys isteý kerek, mundaı jaǵdaıda ne isteý kerek ekenin túsindirdik. Óıtkeni, turǵyndar tehnıkalyq qyzmet kórsetý aqysyn tólep júr», - dep atap ótti turǵyn úı ınspektsııasy bóliminiń basshysy Jadyra Seıilova.