Sát Toqpaqbaev «Barys» ordenimen marapattaldy

NUR-SULTAN. QazAqparat - otstavkadaǵy general-polkovnık Sát Besimbaıuly Toqpaqbaev І dárejeli «Barys» ordenimen marapattaldy, dep habarlaıdy QazAqparat QR UQK baspasóz qyzmetine silteme jasap.

«3 qyrkúıekte UQK tóraǵasy Kárim Másimov Ortalyq apparat ǵımaratynda ulttyq qaýipsizdik organdarynyń ardageri otstavkadaǵy general-polkovnık Sát Besimbaıuly Toqpaqbaevqa saltanatty jaǵdaıda memlekettik nagrada – І dárejeli «Barys» ordenin tapsyrdy», delingen habarlamada.

Kárim Másimov otstavkadaǵy general-polkovnıktiń Qazaqstannyń ulttyq qaýipsizdigin nyǵaıtýǵa qosqan eleýli úlesin atap, oǵan myqty densaýlyq, uzaq ǵumyr tiledi.