Saryshaǵandaǵy avtobýs apatynan taǵy bir medqyzmetker kóz jumdy

BALQASh. QazAqparat - Búgin Balqashta qalalyq aýrýhananyń jansaqtaý bóliminde akýsher Aıdana Imasheva qaıtys boldy. Ol osydan úsh kún buryn 4 adamnyń ómirin qıǵan jol apatynda jaraqattanyp, aýrýhanaǵa jetkizilgen bolatyn, dep habarlaıdy QazAqparat tilshisi.

Dárigerdiń ómiri úshin áriptesteri úsh kún kúresti. Biraq búgin, 22 qyrkúıekte ol esin jımastan qaıtys boldy.

Aıdana Amantaıqyzy Imashevanyń artynda úsh balasy men jubaıy qaldy.

«Qaraǵandy oblysy densaýlyq saqtaý basqarmasynyń ujymy Jezqazǵan medıtsınalyq ortalyǵynyń meıirbıkesi Aıdana Amantaıqyzy Imashevanyń qaıtys bolýyna baılanysty otbasy men jaqyndaryna qaıǵyra kóńil aıtady. Ol da áriptesteri sııaqty osydan birneshe kún buryn Aqtoǵaı aýdanynda jol apatynan zardap shekti. Dárigerler onyń ómiri úshin kúresti, biraq búgin, 22 qyrkúıekte ókinishke oraı baqılyq boldy. Aıdana Amantaıqyzy ómiriniń kóp bóligin meıirbıke isine arnady. Onyń kásipqoılyǵy men akýsherlik sheberligi metallýrgııalyq kombınat jumysshylarynyń onnan astam perzentterin dúnıege ákeldi. Artynda kúıeýi men úsh balasy qaldy. Aıdana Amantaıqyzy ıgilikti isterimen emdelýshiler men medıtsına salasyndaǵy áriptesteriniń jadynda máńgi saqtalady», - dep habarlady Qaraǵandy oblysynyń densaýlyq saqtaý basqarmasynan.

Esterińizge sala keteıik, 19 qyrkúıek kúni saǵat 19:30-da Aqtoǵaı aýdanynda Saryshaǵan kentinen 30 shaqyrym jerdegi Almaty-Ekaterınbýrg avtojolynda MAZ júk kóligi men PAZ jolaýshylar avtobýsy soǵysqan bolatyn.

Caldarynan eki kóliktiń júrgizýshisi men jolaýshysy - oqıǵa ornynda, avtobýstyń taǵy bir jolaýshysy - jedel járdem kóliginde kóz jumdy.

Apat kezinde avtobýsta 11 jolaýshy bolǵan. Kóbiniń jaǵdaıy aýyr.