Saryózekke gaz eki jyl buryn kelgenimen, halyq rahatyn kóre almaı otyr
Saryózek aýylyndaǵy kóshelerdiń boıyna gaz qubyrlary tolyqtaı tartylǵan. Jalpy osy aýyldy kógildir otynmen qamtý úshin júrgizilgen qubyrdyń jalpy uzyndyǵy - 122 shaqyrym. Biraq, aýylǵa kelip turǵan gazdyń rahatyn saryózektikter 2 jyldan beri kóre almaı otyr.
«Saryózek kentinde 2019 jyly gaz qubyry qurylysy júrgizilgen. 2020 jyly qosamyz degen. Endi halyq surap jatyr. Gazdy qashan qosady?»,- dedi Saryózek aýylynyń turǵyny Qaırat Battalıev.
Saryózek aýylyna gaz qubyryn tartý úshin 1,8 mlrd teńge qarjy jumsalǵan. Bul stantsııanyń qurylysy, tipti 2019 jyly bitken. Biraq Kerbulaq aýdanynda gazǵa qosylǵan birde-bir eldi-meken joq. Tipti, daıyn turǵan stantsııa iske de qosylmaǵan.
«Zerttedik, merdiger kompanııa ýaqytynda jumys istegen, merdiger tarapynan bári durys. Merdiger kompanııamen jumys istegen bizdiń aldymyzdaǵy basshylyq jumystyń bárin qabyldap alǵan», - dedi Jetisý oblystyq energetıka jáne TÚKSh basqarmasynyń basshysy
Ernat Bázil.
Qazir Jetisý oblysyndaǵy sybaılas jemqorlyqqa qarsy is-qımyl departamentiniń basshylyǵy mıllıardtaǵan qarjyǵa jasalyp, biraq halyq ıegiligin kórmeı otyrǵan nysandardyń barlyǵyna tekserý júrgizip jatyr.
«2020 jyly Saryózek aýylynyń ishine tartylǵan gaz júıesiniń qurylysy bitken. Alaıda, sol jyldan bastap, áli kúnge deıin halyqqa gaz berilmedi. Bul boıynsha da bizben taldaý júrgizilip, oblys ákimshiligimen birigip, merdiger kompanııamen sóılesip, aqaýlar, oryn alǵan kemshilikter bári joıylý ústinde. Endi atqarýshy organnyń aıtýynsha, jeltoqsan aıynyń sońyna deıin halyqqa gaz beriledi», - dedi Sybaılas jemqorlyqqa qarsy is-qımyl agenttigi Jetisý oblysy boıynsha departamentiniń basshysy Maqsat Jebegenov
Jalpy Jetisý oblysynda 192 eldi-mekenniń tek 10 paıyzy gazben qamtylǵan. Al onyń qanshasynda memlekettiń qarajaty jumsalyp, halyq ıgilin kórmeı otyrǵanyn Antıkor tekserip jatyr.