Saryoba stansasyndaǵy jol jóndeý jumystary poıyz qozǵalysyna kedergi keltirmeıdi - QTJ

ASTANA. QazAqparat - «QTJ» UK» AQ Astana irilendirilgen jol dıstantsııasynyń Saryoba stansasyndaǵy úsh myń metr temir joldyń shpaly jańǵyrtyldy. Taǵy da 200 metrlik ýchaskede shpaly jańalanady, dep habarlaıdy «QTJ» UK» AQ baspasóz qyzmeti.

Joldy jańartý jumystary jazǵy qalpyna keltirý kestesine saı júrgizilýde. Osyndaı ádispen Qyrqynshy-Ereımentaý jol teliminde de temir-beton shpaldary aýystyrylady. Jóndeý jumystary 36 saǵatta aıaqtalady. Shpal aýystyrý jumystary SMD-80 jol tehnıkasyn paıdalaný arqyly júrgizilýde.

Aqmola magıstraldyq jeli bólimshesi dırektorynyń orynbasary Janat Áljanovtyń aıtýynsha, jol tehnıkasy relsti ajyratyp jatpaı-aq, shpaldy kestede belgilengen ýaqytta tóseýge múmkindik beredi.

Tehnologııalyq «tereze» kezinde bul joldarmen poıyzdardyń qozǵalysy toqtalmaıdy.  Júk jáne jolaýshylar poıyzdary belgilengen kesteden esh aýytqymaı, mejelegen jerine ýaqytynda jetedi.