«Saryarqa» aýdanynyń І Investıtsııalyq forýmy: $100 mln somaǵa 11 kelisimge qol qoıyldy
Sharaǵa QR Investıtsııalar jáne damý mınıstrliginiń Investıtsııalar komıtetiniń, Astana qalasynyń salalyq basqarmalarynyń, ulttyq kompanııalardyń jáne damý ınstıtýttarynyń basshylary qatysty.
Forým áleýetti ınvestorlarǵa «Saryarqa» aýdanynyń ınvestıtsııalyq usynystarymen, sondaı-aq, qalaǵa ınvestıtsııa salýdyń basym baǵyttarymen tanysýǵa múmkindik berdi. 100-den asa jer telimderi men salynyp bitpegen obektiler týraly derekter qory, sonymen qatar ınvestıtsııany qajet etetin basqa da jobalar týraly aqparat usynyldy.
Forým alańynda úsh taqyryptyq baǵyt boıynsha ınteraktıvti dıalog ótkizildi: «renovatsııa jáne qurylys», «tsıfrlandyrý elementteri bar aqyldy qala», «ShOB jáne jańa ekonomıka: kreatıvti kapıtal jáne aýdannyń terrıtorııalyq damýy».
Jalpy alǵanda, bıznes ahýalyn jaqsartý, aýdan turǵyndarynyń jaılylyǵy men qaýipsizdigin arttyrý úshin «aqyldy» orta qurý, TKSh salasynda energııa tıimdiligin arttyrý, turǵyn úı qoryn qaıta jańartý, MJÁ damytý, sporttyq klasterdi damytý, kreatıvti qyzmetterdiń sapasyn arttyrý, shyǵarmashylyq pen ónerdiń ártúrli baǵyttarymen baılanys keńistigin qurý jáne t.b. máseleler talqylandy.
300-den asa forým qatysýshylarynyń arasynda - Frantsııa, Germanııa, Túrkııa, Kanada, Qytaı, Reseı, Belarýs, Ýkraına, Ázerbaıjan ınvestorlary, sonymen qatar otandyq kásipkerler, ınvestıtsııalyq kompanııalar bar.
Іs-shara qorytyndysy boıynsha shamamen 30 mlrd teńge somasyna (~ $100 mln) 11 qujatqa qol qoıyldy, olardyń aıasynda túrli sektorlarda yntymaqtastyq týraly ýaǵdalastyqtarǵa qol jetkizildi.
«QR Prezıdentiniń bes áleýmettik bastamasyn» iske asyrý aıasynda «Saryarqa» aýdany ákiminiń apparaty men Astana medıtsınalyq ýnıversıteti arasynda stýdentterge arnalǵan jataqhana qurylysy boıynsha Yntymaqtastyq týraly memorandýmǵa qol qoıyldy.
Aýdan turǵyndarynyń jaılylyǵy men qaýipsizdigin arttyrý úshin aqyldy basqarmany qurý baǵyty aıasynda:
Jol meteostantsııalaryn ornatý boıynsha - «Saryarqa» aýdany ákiminiń apparaty men Marcel Boschung AG (Germanııa) arasyndaǵy yntymaqtastyq týraly memorandým;
Qar eritkish jabdyqty shyǵarý jáne MJÁ-niń qardy eritý jobasy salasyndaǵy yntymaqtastyq boıynsha - «Saryarqa» aýdany ákiminiń apparaty, Trecan Combustion kompanııasy (Kanada) men «ANTMachinery» JShS arasyndaǵy ózara túsinistik jáne yntymaqtastyq týraly memorandým;
Jaıaý júrginshiler jelekjolyn salý boıynsha - «Saryarqa» aýdany ákiminiń apparaty, «Astana»ÁKK» UK» AQ jáne «City Box» JShS arasyndaǵy ózara túsinistik jáne yntymaqtastyq týraly memorandým;
Fýtbol alańdaryn salý boıynsha - «Saryarqa» aýdany ákiminiń apparaty jáne DUOL (Slovenııa) kompanııasy arasyndaǵy yntymaqtastyq týraly memorandým.
Innovatsııalyq damý aıasynda:
5G boıynsha pılottyq joba - «Saryarqa» aýdany ákiminiń apparaty, «Innovatsııalyq tehnologııalar parki» derbes klasterlik qory jáne «Ulttyq tehnologııalar jáne baılanys zertteý ınstıtýty» AQ (RF) arasyndaǵy yntymaqtastyq týraly memorandým;
Jasyl kóshetterdi melıoratsııalaý keshenin basqarýǵa ınnovatsııalyq tehnologııalardy endirý boıynsha - «Saryarqa» aýdany ákiminiń apparaty jáne «Smart Irrigation» JShS arasyndaǵy yntymaqtastyq týraly memorandým.
Sonymen qatar, rıteıl salasyn damytý maqsatynda «Saryarqa» aýdany ákiminiń apparaty, «Astana» ÁKK» UK» AQ jáne «Keruen Global» JShS kompanııasy arasynda «Gastronomııalyq bazar» qurylysy boıynsha memorandýmǵa qol qoıyldy.
Anyqtama: «Saryarqa» aýdany 06.05.1998 jyly Elbasy Jarlyǵymen qurylǵan. Aýdannyń 20 jyl ishindegi jetistikteri:
Aýdan turǵyndarynyń sany 2,5 esege artty (1999 j. - 157 162 adam, 2018 jyly - 386 471 adam);
Jergilikti bıýdjetke túsken salyqtyq kiristerdiń mólsheri 59 ese artty. «Saryarqa» aýdany Astana q. jergilikti bıýdjetine túsetin salyqtyq kiristerdiń 25%-yn qamtamasyz etedi;
Negizgi kapıtalǵa salynǵan ınvestıtsııalar 5 ese ósti (2000 j. - 35 mlrd teńge, 2017 j. - 175 mlrd teńge);
Paıdalanýǵa shamamen 4 mln m2 turǵyn úı ǵımarattary berildi. 12 orta mektep, 9 balabaqsha, 3 zamanaýı emhana salyndy. 2017 jyly 143 myń sh.m. turǵyn úı nemese 1166 páter, kólemi 118 myń m2 62 áleýmettik, mádenı jáne turmystyq nysan paıdalanýǵa berildi.
Aýdan aýmaǵynda qoǵamdyq keńistikter men áleýmettik ınfraqurylymdar belsendi túrde qurylýda: 32 saıabaq salynyp, 281 aýla abattandyryldy, buzylǵan apattyq-eski úılerdiń oryndarynda oıyn jáne sport aımaqtary ornalastyrylǵan 2 park, 10 saıabaq salynyp jatyr, 100-den asa aýla abattandyrylady.