Saryarqa aýdanynda jyl sońyna deıin 260 aýla abattandyrylady

ASTANA. 11 maýsym. QazAqparat - 15 sáýirden bastap aýlalardy abattandyrý baǵdarlamasy aıasynda elordanyń Saryarqa aýdanynda 90 aýlany abattandyrý jumystary bastaldy. Bul týraly astana.kz saıtyna Saryarqa aýdanynyń ákimdigi málimdedi.

«Asfalt beton tóseý, jaryq tireýishteri men shaǵyn sáýlet pishimderi - balalardyń oıyn keshenderi, sporttyq alańdar men oryndyqtar, qoqys salatyn jáshikter ornatyldy. Jumystyń aıaqtalýy maýsym aıynyń sońyna josparlanǵan», - dep habarlaıdy ákimdikten.

Qazirgi tańda asfalt betondaryn tóseý jumystarymen qatar, Jeńis dańǵyly 51/1, 51/2, 51/3, Saryarqa dańǵyly 39, 39 a, Jangeldın kóshesi 26, Sh. Aımanov kóshesi 16, 16/1, 11, Bógenbaı batyr 59, Birjan sal kóshesi 1, 3, 3/2, Talapker kóshesi 6, 8, 5, 12, Respýblıka dańǵyly 72,74, Esenberlın 36 mekenjaılaryna dekoratıvtik qorshaýlar ornatylýda. Jalpy alǵanda, jyl sońyna deıin Saryarqa aýdanyndaǵy 260 aýla abattandyrylyp, jańa keıipke enbek. Jumysty tamyz aıynyń sońyna deıin aıaqtaý josparlanǵan.