Saryarqa aýdanynda muz kort pen eki syrǵanaq salynady

ASTANA. 9 jeltoqsan. QazAqparat - Elorda QR Táýelsizdik kúnin, sondaı-aq, úlken-kishi taǵatsyz kútetin jańa jyldyq merekelerdi atap ótýge qyzý daıyndyq ústinde. Astana qalasynyń Saryarqa aýdanynda 8 shyrsha ornatyldy. Bul týraly Saryarqa aýdanynyń ákimi apparatyna silteme jasap astana.kz habarlady.

Atap aıtqanda, shyrshalar Astana qalasy ákimdiginiń aldyndaǵy alańǵa, M.Ótemisuly atyndaǵy Oqýshylar saraıynyń janyna, QR Qarjy mınıstrligi ǵımaratynyń aldyndaǵy alańǵa, K.Báıseıitova atyndaǵy opera jáne balet teatrynyń aldyna, temirjol vokzalynyń aldyndaǵy alańǵa, №188 kóshede «Severnyı» saýda úıiniń aýmaǵynda, «Kóktal-1» turǵyn alabynda «Naz» teatrynyń aldyna, Óndiris turǵyn alabynda №49 mekteptiń janyna ornatyldy.

Budan basqa, Saryarqa aýdanynda «Sine Tempore» saýda úıiniń aldyndaǵy alańda muz kort salynyp, Oqýshylar saraıynyń artynan 2 syrǵanaq jasalady.

Sonymen qatar, Astanada shaǵyn sáýlet formalary qoıylady: Saryarqa dańǵyly men Irchenko kóshesiniń qıylysynda - «Shyrsha men kádesyı sharlary», Abaı dańǵyly - Jeńis dańǵ. qıylysynda - «Qar ushqyndarynan jasalǵan shyrsha», QR Qarjy mınıstrliginiń aldyndaǵy alańǵa - «Boran men jyl nyshany», Abaı eskertkishiniń aldyna - «Qysqy shıe», Kensary k-si - Jeńis dańǵ. buryshynda - «Qys qyzy», Shahmatnyı skverinde - «Qar ushqyndary».