Saryaǵashtyqtar aýyldastaryna úı salyp berdi

SARYAǴASh. QazAqparat- Saryaǵash aýdany, Jibek joly aýylynyń azamattary 4 jylda 6 úı salyp, turmysy tómen otbasylarǵa tartý etti, dep habarlaıdy QazAqparat tilshisi.

Igi iske uıytqy bolǵandar ishinde taksı júrgizýshileri kóp.

Qazir jalǵyzbasty ana Kýlaım Qoshanovaǵa arnalǵan úıdiń ishki árleý jumystary júrip jatyr.

Shilde aıynyń sońyna qaraı turǵyn úı qurylysy tolyǵymen aıaqtalmaq.

Taksıster budan bólek eki úıge tabıǵı gaz kirgizip, bir úıdiń jylý júıelerin jóndep bergen jáne bir úıdiń shatyryn aýystyryp, úı ıeleriniń alǵysyn alypty.

Sonymen qatar turmys deńgeıi tómen áleýmettik qoldaýdy qajet etetin otbasylarǵa únemi azyq-túlikpen jáne basqa da materıaldyq kómekter men qaıyrymdylyq kórsetýde óz úlesterin qosýda.