Saryaǵashtyq egiz jigitter ómirinde alǵash ret daýys berdi
17:23, 20 Qarasha 2022
TÚRKІSTAN. QazAqparat - Saılaýda saryaǵashtyq egizder alǵash ret daýys berdi, dep habarlaıdy QazAqparat tilshisi.
Saryaǵash aýdany Kókterek kentiniń turǵyndary egiz Baqytjan men Baǵlan Asanovtar prezıdent saılaýynda alǵash ret óz daýys berdi.
Kókterek kentinde ornalasqan №672 saılaý ýchaskesine kelip, tańdaý jasaǵan qos azamatqa arnaıy syılyq tabystaldy.
«Saılaýda daýys berý - azamattyq boryshymyz dep bilemin. Sondyqtan bul sharaǵa ishteı daıyndaldyq.«Qalaı bolady eken» dep qobaljydyq. Búgin alǵash ret saılaý ýchaskesine kelip daýys berip, óz tańdaýymyzdy jasap otyrmyz»-deıdi olar.
Aıta keteıik, Saryaǵash aýdany boıynsha 79 saılaý ýchaskesi bar.
Olar saǵat tańǵy 07:00-den keshki 20:00-ge deıin jumys isteıdi.