Saryaǵashtaǵy keden beketinde zańsyz dári-dármek alyp ótpek bolǵan turǵyn ustaldy

TÚRKІSTAN. QazAqparat - Saryaǵash shekara otrıadynyń «Qaplanbek-avto» ótkizý bólimshesinde shekarashylar 19 jastaǵy qazaqstandyqty ustady. Ol «Toıota Kamrı» avtokóligimen Ózbekstannan jalpy salmaǵy 47,2 kg dári-dármekti eshqandaı qujatsyz ákele jatqan, dep habarlaıdy QazAqparat tilshisi.

QR UQK Shekara qyzmetiniń málimetinshe, kórshi elden kelgen jolaýshynyń júgi «Qaplanbek» keden beketine tapsyryldy.

Al, batystaǵy Beıneý shekara otrıadyna qarasty «Tájen-avto» ótkizý bólimshesinde shekarashylar zańsyz spırttik ishimdik tasymaldaǵan azamatty ustady. Ózbekstannan kele jatqan 32 jastaǵy júrgizýshi «Lada Largýs» avtokóligimen 35 lıtr spırttik ishimdikti zańsyz ákele jatqan. Alkogoldi sýsyndy shekara qyzmeti tárkilep, «Tájen» keden beketine tapsyryldy.

Sol sııaqty qordaılyq shekarashylar «Qordaı-avto» ótkizý bólimshesinde Qazaqstannan Qyrǵyzstanǵa qaraı jaıaýlatyp ketip bara jatqan 46 jastaǵy azamatty jáne 29 jastaǵy qyrǵyzstandyqty ustady. Olar da eshqandaı ruqsat qujattarynsyz 200 kg kólemindegi tońazytylǵan forel balyǵyn ózderimen alyp ótpek bolǵan. Ózen baılyǵy tárkilenip, Qordaı aýdandyq vetsanıtarlyq ınspektsııasyna ótkizildi.