Saryaǵashta shekaradan gashısh esirtkisin alyp ótpek bolǵan ózbekstandyq ustaldy
11:33, 19 Tamyz 2022
TÚRKІSTAN. QazAqparat - Saryaǵash aýdandyq polıtsııa bóliminiń qyzmetkerleri «Jibek joly» baqylap-ótkizý beketinen esirtki alyp ótpek bolǵan Ózbekstan Respýblıkasynyń azamatyn ustady, dep habarlaıdy QazAqparat tilshisi.
Shekarada Klementına atty ıt kúdiktini kórgen boıda belgi bergen. Oqıǵa boıynsha birden tekserý jumystaryn júrgizgen tártip saqshylary onyń shalbarynyń oń jaq qaltasynan polıetılen paketke salynǵan esirtkige uqsas zatty tapty.
«Polıtsııa qyzmetkerleri tabylǵan aıǵaqty zatty tárkilep alyp, atalǵan jaıtty QR QK-niń 286-baby 1-bóligi «Aınalystan alyp qoıylǵan zattardyń nemese aınalysy shektelgen zattardyń kontrabandasy» boıynsha tirkeýge aldy. Saraptama taǵaıyndaldy. Zertteý qorytyndysy sheteldikten alynǵan zattyń «gashısh» esirtkisi ekenin anyqtady. Qazirgi tańda kúdikti qamaýǵa alyndy, sotqa deıingi tergeý amaldary júrgizilýde» - delingen Túrkistan oblysy polıtsııa departamentiniń baspasóz qyzmeti taratqan aqparatta.