Saryaǵashta shekara beketinen apıyn alyp ótpek bolǵan kúdikti ustaldy

SARYAǴASh. QazAqparat - Túrkistan oblysy Saryaǵash aýdanyndaǵy shekara beketinde apıyn alyp ótpek bolǵan kúdikti ustaldy. «Jibek joly» shekara beketinen ótpek bolǵan jolaýshy esirtkini músheqapqa salyp alǵany anyqtalǵan, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, shekara beketinen ótý kezinde «Lında» atty ıisshil ıt belgi bergen.

Jedel ýákilder ol azamatty tintý kezinde shalbarynyń arasynda 2 dana músheqapqa oralǵan esirtkige uqsas zat tabylǵan.

Tártip saqshylary ustalǵan er adamdy aýdandyq polıtsııa bólimine jetkizgen.

Saraptamaǵa sáıkes, tárkilengen ósimdik tektes zat salmaǵy 2 gramnan asatyn apıyn bolyp shyqqan.

Qazirgi ýaqytta atalǵan jaıt boıynsha QR QK-niń 286-baby boıynsha sotqa deıingi tergeý amaldary júrgizilýde.

Búgingi tańda Shymkent qalasynyń turǵyny qamaýǵa alyndy.

Tergeý oqıǵanyń barlyq mán-jaıyn anyqtaıdy.