Saryaǵashta saılaý ýchaskesine toı kóılegimen kelgen jas jubaılar óz tańdaýyn jasady
16:29, 20 Qarasha 2022
TÚRKІSTAN. QazAqparat - Túrkistan oblysynda saılaý ýchaskesine toı kóılegimen kelgen jas jubaılar daýys berdi, dep habarlaıdy QazAqparat tilshisi.
Túrkistan oblysy Saryaǵash aýdany Qaplanbek aýyldyq okrýgine qarasty Qanaǵat eldimekeninde jańadan shańyraq kótergen jas jubaılar prezıdent saılaýynda daýys berdi.
Jas otbasy Jaqsylyq Zaıdın men Janarý Saılaý Qanaǵat eldimekenindegi №631 saılaý ýchaskesine toı kóılegimen kelip, óz tańdaýyn jasady.
Saıası naýqanǵa beıjaı qaramaǵan qos ǵashyq «elimizdiń erteńi jarqyn bolýy úshin daýys berdik» deıdi.
Aıta keteıik, jalpy Saryaǵash aýdany boıynsha - 79, al Túrkistan oblysy boıynsha - 919 saılaý ýchaskesi jumys istep tur.