Saryaǵashta mektep oqýshylary toıhanaǵa jınalyp, saýyq keshin ótkizgen
Túrkistan oblysynyń polıtsııa qyzmetkerleri karantın talaptarynyń saqtalýyn qatań baqylaýda.
Arnaıy qurylǵan mobıldi top quramynda júrgen tártip saqshylary kúni-túni reıd júrgizip, bas memlekettik sanıtarııa dárigeriniń karantın rejımin saqtaý boıynsha nusqaýyna sáıkes tıisti jumystardy atqaryp keledi.
Máselen, Saryaǵash aýdandyq polıtsııa bóliminiń qyzmetkerleri Saryaǵash aýdany, Jemisti aýyly, Tólendiuly kóshesi boıynda ornalasqan «Báıterek» toıhanasyn tekserý kezinde aýdandaǵy mektepterdiń biriniń oqýshylary kesh ótkizip jatqany anyqtaldy.
Sondaı-aq Jibek Joly aýyldyq okrýgi, Dıhanbaba aýylynda shekteý belgilengen ýaqyttan keıin jumys istegen tamaqtaný orny, Qaplanbek aýylyndaǵy demalys ornynda jergilikti turǵyn týǵan kúnin ótkizgen.
Quqyq buzýshylyq jasaǵan azamattarǵa qatysty QR ÁQBtK 425-baby boıynsha jınaqtalǵan qujattar aýdandyq SEBB-ǵa joldandy.
Sondaı-aq, polıtseıler toıhanalar men meıramhana, kafe-barlardy tekserip, nysan ıelerimen kezdesip, toı-jıyn ótkizbeý jáne azamattardyń jınalýyna jol bermeý kerektigin túsindirip, karantın talaptary buzylǵan jaǵdaıda zańdy shara kóriletini týraly eskertti.
Túrkistan oblysynyń polıtseıleri karantın talaptaryn qatań saqtaý qajettigin eskertedi.
Karantın kezinde toı-jıyndar, basqosýlar, otbasylyq, merekelik, ujymdyq is-sharalardy uıymdastyrýǵa tyıym salynǵan.
Oǵan qosa betperde rejımi men araqashyqtyqty únemi saqtaý mindetteledi.