Saryaǵashta besik toıǵa jınalǵan 40-tan astam qonaq úıine qaıtaryldy
Túrkistan oblysynyń polıtsııa qyzmetkerleri karantın talaptarynyń saqtalýyn qatań baqylaýda.
Arnaıy qurylǵan mobıldi top quramynda júrgen tártip saqshylary kúni-túni reıd júrgizip, bas memlekettik sanıtarııa dárigeriniń karantın rejımin saqtaý boıynsha nusqaýyna sáıkes tıisti jumystardy atqaryp keledi.
Máselen, Saryaǵashta polıtsııa qyzmetkerleri Saryaǵash aýdany Shymkent-Jetisaı tasjolynyń boıynda ornalasqan dámhananyń ákimshisi bolyp jumys jasaıtyn turǵyny elimizde koronovırýs indetiniń taralýyna baılanysty belgilengen karantın rejımin jáne shekteý sharalaryn saqtamaı, zańbuzýshylyqqa jol bergen.
ıAǵnı kafeniń qyzmetshileriniń maskalyq rejımde qyzmet atqarýyn qamtamasyz etpeı, qaǵıdalardy buzǵan.
Osyndaı jaıtty birneshe dúken men dámhana ıeleriniń óreskel buzǵandyǵy anyqtaldy.
Sonymen qatar qala ortalyǵynda ornalasqan toıhananyń birinde besik toıy ótken.
Atalǵan jıynǵa shamamen 40-tan astam adam jınalǵan.
Tártip saqshylary atalǵan jaıtty QR ÁQBtK-niń 425-baby boıynsha jınaqtalǵan qujattar aýdandyq SEBB-ǵa joldandy.
Túrkistan oblysynyń polıtseıleri karantın talaptaryn qatań saqtaý qajettigin eskertedi. Karantın kezinde toı-jıyn, basqosý, otbasylyq, merekelik, ujymdyq is-sharalardy uıymdastyrýǵa tyıym salynǵan.