Saryaǵashta balalardyń quqyǵyn qorǵaý máseleleri talqylandy

SARYAǴASh. QazAqparat – Túrkistan oblysy Saryaǵash aýdanynda balalardyń quqyqtary men zańdy múddelerin qorǵaý jónindegi respýblıkalyq keńestiń arnaıy top ókilderiniń qatysýymen jıyn ótti. Aýdan ákimi Muhıt Otarshıev tóraǵalyq etken jıynda osy baǵytta atqarylyp jatqan jumystar barysy sóz boldy, dep habarlaıdy QazAqparat tilshisi.

Alqaly jıynǵa Qazaqstan Respýblıkasy Prezıdenti Apparaty janyndaǵy bala quqyqtary men zańdy múddelerin qorǵaýdy qamtamasyz etý júıesin jetildirý týraly usynystardy zerdeleý jáne jınaqtaý máseleleri jónindegi «Nur Otan» partııasy janyndaǵy balalardy qorǵaý jónindegi keńes múshesi M.Iskazına, Qazaqstan Respýblıkasynyń jastar jáne otbasy isteri komıteti basqarmasynyń basshysy D.Qojaev, oblystyq adamı áleýetti damytý basqarmasy basshysynyń orynbasary A.Sadykova, aýdan ákiminiń orynbasarlary, Nur Otan partııasy músheleri, bıýdjettik mekeme basshylary jáne BAQ ókilderi qatysty.

Keleli keńeste aýdandyq bilim bóliminiń basshysy B.Maırıhov balalar quqyǵyn jáne zańdy múddelerin qorǵaý jóninde baıandady. Al, aýdandyq polıtsııa bólimi basshysynyń orynbasary A.Bekmurzaev jáne aýdannyń jumyspen qamtý jáne áleýmettik baǵdarlamalar bólimi basshysynyń mindetin ýaqytsha atqarýshy K.Amırbekova jasóspirimder quqyǵyn qorǵaý boıynsha atqarylǵan júıeli jumystar týraly aıtty.

Jıyndy qortyndylaǵan aýdan ákimi Muhıt Otarshıev bala quqyqtary men zańdy múddelerin qamtamasyz etý baǵytyndaǵy jumystar aldaǵy ýaqytta da júıeli túrde jalǵasa beretinin atap ótti.