Saryaǵashta «Adal joldy tańdaımyz» atty jastar estafetasy bastaldy

SARYAǴASh. QazAqparat – Túrkistan oblysy, Saryaǵash aýdanynda «Adal joldy tańdaımyz» atty jastar marafon estafetasy bastaý aldy, dep habarlaıdy QazAqparat tilshisi.

Marafon aıasynda Saryaǵash aýdanynda sybaılas jemqorlyqqa qarsy, memlekettik qyzmet jáne kórsetiletin qyzmetter taqyryptarynda túrli formattaǵy is-sharalar uıymdastyrý josparlanyp otyr. Atap aıtqanda 14-25 qazan aralyǵynda sýret pen beınejazba, vaın konkýrstary men semınar, pikir-talastar men breıng-rıng týrnırleri ótkizilmek.

Sondaı-aq, KVN, flesh-mob, avtokerýen, lektsııa, biryńǵaı tárbıe saǵattary, kezdesý, sporttyq ótedi dep kútilýde. Marafonǵa qatysýshylar «Jastar týy» men fotoalbomdy ótkizilgen is-sharalaryn aıaqtaý barysynda tilekter jazyp jáne fotosýrettermen tolyqtyryp, saltanatty túrde estafeta usynylatyn kelesi aýdanǵa beredi.

25 qazanda Saryaǵash aýdanynan Qazyǵurt aýdany estafetany qabyldap alady dep kútilýde.