Saryaǵashta 5 balaly kelinshekti qaıyn atasy men kúıeýi úıinen qýyp shyqty
Áleýmettik jelide Saryaǵash qalasynda túsirilgen vıdeo * jazba tarap jatyr. Vıdeony túsirgen kelinshek qaıyn atasynyń uryp úıinen qýyp jatqanyn, zattaryn kóshege shyǵaryp tastaǵanyn túsirgen. Oqıǵa ornyna tártip saqshylary da barǵan.
Atalǵan jaǵdaı boıynsha túsinikteme bergen Túrkistan oblysy polıtsııa departamentiniń baspasóz qyzmeti «Otbasynyń Túrkistan oblysy polıtsııa departamentiniń baqylaýyna alynǵanyn» jetkizdi.
«Áıel azamatsha burynǵy kúıeýiniń ústinen aryzdanǵan. Tártip saqshylary jınaqtalǵan qujattardy Saryaǵash aýdandyq ákimshilik mamandandyrylǵan sotyna joldady. Sonymen qatar, áıel qorǵaý nusqamasyna alyndy. Al, jábirlenýshi áıel qaıyn atasyna qatysty polıtsııaǵa eshqandaı aryz-shaǵym túsirmegen. Egerde, qandaı da bir shaǵymy bolsa, polıtseıler tekserý júrgizip, zańdy sheshim qabyldaýǵa daıyn», - delingen aqparatta.