Saryaǵash jaqtaǵy shekaradan iri kólemde esirtki kirgizbek bolǵandar ustaldy

ASTANA. QazAqparat - Ulttyq qaýipsizdik komıteti esirtki zattarynyń iri partııasyn Qazaqstan Respýblıkasyna kirgizý áreketiniń jolyn kesti, dep habarlaıdy QazAqparat.

2023 jylǵy 6 naýryzda Túrkistan oblysy Saryaǵash aýdany aýmaǵynyń «Jibek joly» ótkizý pýnktinde shekara narıady sheteldiktiń basqarýyndaǵy avtokólikti toqtatty.
Atalǵan kólikti tekserý barysynda janarmaı quıatyn bóliginde jasyrylǵan 14 kelige jýyq esirtki jáne psıhotroptyq zattar tabyldy. Onyń ishinde 5 keli 290 gramm geroın, 792 gramm apıyn jáne 5 keli 335 gramm gashısh, sonymen qatar 1 keli 962 gramm sıntetıkalyq esirtki bar.

Atalǵan fakt boıynsha materıal QR QK 297-babynyń 3-tarmaǵymen Sotqa deıingi tergeýdiń biryńǵaı tizilimine tirkeldi. Ózge aqparat tergeý múddesinde QR QK 201-babyna sáıkes jarııa etýge jatpaıdy.
QR Bas kólik prokýratýrasymen birge esirtki kontrabandasy arnalarynyń jolyn kesý boıynsha is-sharalar jalǵasýda.