Saryaǵash turǵyny jalǵan saýda jasap bankke 12 mln teńgeden astam shyǵyn keltirgen
Saryaǵash aýdandyq polıtsııa bólimine bankterdiń birinen qatynas hat kelip tústi. Jábirlenýshi taraptyń aıtýynsha, belgisiz bireý bank qosymshasy arqyly 2021 jyly jalǵan taýar satý jáne satyp alýmen aınalysyp, bankke 12,5 mln teńge shyǵyn keltirgen.
Polıtsııa qyzmetkerleri atalǵan jaıtty QR QK-niń 190-baby (Alaıaqtyq) boıynsha tirkedi.
Bankke iri kólemde shyǵyn keltirgen kúdiktini ustap, qylmysty ashý maqsatynda saryaǵashtyq tájirıbeli polıtseılerden arnaıy top quryldy. Olar tıisti izdestirý sharalaryn júrgizip, kýágerlerden jaýap aldy. Jan-jaqty atqarylǵan jumys nátıjesinde aqparat kózderi arqyly kúdikti retinde jergilikti turǵyn anyqtaldy. Oqıǵanyń mán-jaıyn anyqtaý maqsatynda jas jigit polıtsııaǵa jetkizildi.
Belgili bolǵandaı, kúdikti kásipker retinde tirkelip, bank qosymshasy arqyly ózi satýshy, ózi satyp alýshy bolyp, birneshe ret satý-satyp alý operatsııalaryn jasaǵan. Alaıda eshqandaı taýar almaı, aqshany óz qajettiligine jumsap jibergen. Qazirgi tańda er adam qamaýǵa alynyp, sotqa deıingi tergeý amaldary júrgizilýde.
Foto:polisia.kz