«Sary» aımaqtaǵy Almatyǵa Ashyq jobasy áli de mańyzdy

ALMATY. QazAqparat - Almatyda «sary» aımaq úshin qarastyrylǵan shekteýler kúshine endi.Bul týraly Óńirlik kommýnıkatsııalar qyzmetiniń baspasóz máslıhatynda Almaty qalasy Kásipkerler Palatasy dırektorynyń orynbasary Saltanat Lesbaeva habarlady.

Epıdemıologııalyq ahýaldy jaqsartýdyń arqasynda Almaty kásipkerleri az shekteýlermen jumys isteı alady. Saltanat Lesbaevanyń aıtýynsha qazir kelesideı shekteýler bar:

- meıramhana, kafe jáne kofehanalar tıpi boıynsha qoǵamdyq tamaqtaný nysandary, tolymdylyǵy 50%-ǵa deıin, 60 orynnan aspaıtyn; tolymdylyǵy 20%-ǵa deıin, biraq 30 orynnan aspaıtyn fýdkorttar; tolymdylyǵy 30%-dan aspaıtyn jáne bir adamǵa keminde 4 sharshy metr, biraq 50 adamnan aspaıtyn alańmen qamtamasyz etilgen kezde as berýdi ótkizýge arnalǵan banket zaldary – «qyzyl» aımaqpen salystyrǵanda tolymdylyǵy 10 adamǵa deıin;

- saltanatty, estelik, otbasylyq is-sharalardy (banketter, úılený toılary, mereıtoılar) jáne túngi klýbtardy ótkizý-toltyrylýy 50%-ǵa deıin, 70-ten aspaıtyn oryn – «qyzyl» aımaqpen salystyrǵanda toltyrylýy 20 adamǵa deıin artty;

- teatrlar, kınoteatrlar, kontsert zaldary, fılarmonııa - toltyrylýy 30%-dan 40%-ǵa deıin ulǵaıtyldy;

- oblysaralyq turaqty emes (týrıstik) tasymaldar, qalalyq turaqty emes (týrıstik) tasymaldar – jolaýshylar sany 15-ten 25 adamǵa deıin ulǵaıtyldy;

- bılıard, kompıýterlik klýbtar, onyń ishinde PlayStation klýbtary (tek 12 jáne odan joǵary jastaǵy adamdar ǵana ruqsat etiledi), boýlıng, karaoke, lotereıa klýbtary jáne lotereıany ótkizýdiń ózge de núkteleri, aýdany 1000 sharshy metrge deıingi balalar oıyn-saýyq ortalyqtary (jabyq), býkmekerlik keńseler – paıyzdyq qatynasta toltyrylýy 50%-ǵa deıin, al adamdar sany – 50%-ǵa deıin ulǵaıtyldy;

- aýdany 1000 sharshy metrden asatyn balalar oıyn-saýyq ortalyqtary (jabyq) endi 100 adamdy qabyldaı alady;

- konferentsııalar, forýmdar, oıyn-saýyq jáne adamdar kóp jınalatyn ózge de is-sharalar, tolymdylyǵy 50%-ǵa deıin, biraq 70 orynnan artyq emes, ıaǵnı, «qyzyl» aımaqqa qaraǵanda 20 orynǵa artyq;

- kórmeler – toltyrylý deńgeıi 200-den 300 adamǵa deıin ósti;

- marafondar (ashyq aýada) – kelýshiler sany 500-den 800 adamǵa deıin artty;

- kórermendermen sporttyq is-sharalar – «qyzyl» aımaqqa qaraǵanda 70%-dan artyq emes, 20%-ǵa artyq toltyrylǵan kezde;

- dinı obektiler (ujymdyq qulshylyq etýdi jabyq úı-jaılarda ótkizý) – toltyrylý kórsetkishi 10%-ǵa, ıaǵnı 30%-ǵa deıin artty.

Baspasóz máslıhaty barysynda S. Lesbaeva megapolıstiń bıznes qaýymdastyǵy qyzmetterin qaýlyǵa sáıkes uıymdastyrýǵa shaqyrdy. Sonymen qatar, Ashyq jobasynyń jumysyna jaýapkershilikpen qaraý óte mańyzdy ekenin eskertti.

Spıkerdiń málimetinshe, Almatyda jobanyń 23 214 qatysýshysy bar, birneshe aıdyń ishinde olardyń sany 13 esege artty. Qoǵamdyq tamaqtaný nysandary, sulýlyq salondary, shashtarazdar, bazarlar, SOSO, bilim berý obektileri arasynda Ashyq-tyń keńinen tanymal ekeni baıqalady.

Qazirgi kezde Almatyda 479 nysan joba kóshbasshysy bolyp tabylady. Barlyq kezeńde 3044 qatysýshy eki aptanyń nátıjeleri boıynsha nóldik chekınder úshin jobadan shyǵaryldy.

Sóziniń sońynda S. Lesbaeva Almaty turǵyndaryn da, kásipkerlerdi de Ashyq jobasyna jaýapkershilikpen qaraýǵa shaqyrdy, sebebi, sonyń arqasynda kásipkerlerge qatań karantındik jaǵdaıda jumys isteýge ruqsat etildi. Ol sonymen qatar bıznes-qaýymdastyq ókilderin ómir salty men jumystyń qalypty túrine tezirek oralý úshin jappaı egilýge shaqyrdy. Spıker jumys oryndarynda maska rejımin saqtaý qajettiligin eske saldy.