«Sary» aımaqqa ótken Qaraǵandy oblysynda karantın shekteýleri jeńildedi
16 maýsymnan bastap Qaraǵandy oblysynda tómende kórsetilgen obektilerde (qyzmetin «Ashyq» qosymshasynsyz júzege asyrǵandar) burynyraq tyıym salynǵan qyzmet túrleri qaıta jandanady:
- balalardy saýyqtyrý lagerleri, tolymdylyǵy 50%-dan aspaǵan jaǵdaıda;
- mádenıet obektilerinde daıyndyq (repetıtsııalar) 30 adamǵa deıin;
- teatrlar, kınoteatrlar, kontsert zaldary, fılarmonııalar tolymdylyǵy 20%-dan aspaǵan kezde jumys isteıdi;
- kórermendermen sporttyq is-sharalardy ótkizý 15% kóp emes toltyrylǵan kezde ruqsat etiledi.
Sonymen qatar, birqatar shekteýler alynyp tastaldy:
- mektepke deıingi uıymdardyń kezekshi toptarynyń jıyntyǵy 15-ten 25 adamǵa deıin ulǵaıtyldy;
- sporttyq is-sharalardy kórermendermen 15% artyq emes toltyrylǵan jaǵdaıda ótkizýge ruqsat etilgen;
- halyqtyń turýy boıynsha qyzmet kórsetý salasyndaǵy uıymdardyń (qonaq úıler, otel, sanatorıı-kýrorttyq uıymdar, demalys úıleri, týrıstik bazalar jáne t. b.) toltyrylýy 80%-dan 100%-ǵa deıin ulǵaıdy;
- ekinshi deńgeıli bankterdiń, «Qazposhta» AQ men HQKO bólimsheleriniń jumys isteý ýaqyty boıynsha shekteý alynyp tastaldy.
- Qoǵamdyq tamaqtaný obektilerinde (úı-jaıda) meıramhana, kafe jáne kofehanalar tıpi boıynsha tolymdylyǵy 50%-ǵa deıin artty, biraq 50 orynnan artyq emes, jazǵy alańdarǵa saǵ. 24-00 deıin jumys isteýge ruqsat etildi (buryn saǵ.20 saǵ. deıin boldy).
Senbi jáne jeksenbi kúnderi:
- SÚ, saýda jelileri, SOO,
- aýdany 2000 sharshy metrden asatyn azyq-túlik emes dúkenderden (jeke turǵan),
- SPA-ortalyqtar men basseınder, sport keshenderi, sporttyq-saýyqtyrý ortalyqtary men fıtnes-ortalyqtar, ıoga-ortalyqtardy qosa alǵanda jumys isteýge salynǵan tyıym alynyp tastaldy.
Saýnalar qyzmetin tek jeksenbi kúnderi toqtatady (buǵan deıin tyıym senbi kúnderi de bolǵan);
Memlekettik organdarǵa, uıymdar men kásiporyndarǵa, zańdy tulǵalarǵa, menshik nysanyna qaramastan, ulttyq kampanııalarǵa jáne Qaraǵandy oblysynyń kásipkerlik sýbektileriniń basqa da keńselerine qashyqtan jumys isteý formatyndaǵy qyzmetkerler sany 80%-dan 50%-ǵa deıin azaıtyldy. Qyzmetkerlerdi COVID-19-ǵa qarsy vaktsınatsııalaý júrgizilgen jaǵdaıda qashyqtyqtan jáne kúndizgi jumys formatynda jumys isteıtin qyzmetkerlerdiń paıyzdyq araqatynasy boıynsha talaptardy esepke almaı qyzmetti júzege asyrady. Bul rette COVID-19-ǵa qarsy vaktsınatsııalaýdyń tolyq kýrsyn alǵan jáne sońǵy 6 aı ishinde COVID-19-ben aýyryp jazylǵan barlyq qyzmetkerlerdiń kúndizgi rejımde jumys isteýine jol beriledi.
Budan basqa, Ashyq jobasyna qatysatyn obektilerde osy qaýlynyń № 3 qosymshasyna sáıkes «sary» aımaqta birqatar jeńildikter engizildi.
Qaraǵandy oblysynyń turǵyndary men qonaqtaryna adamdardyń jappaı jınalýyna baılanysty is-sharalardy (merekelik is-sharalardy, sporttyq-buqaralyq, oıyn-saýyq mádenı-buqaralyq is-sharalardy, konferentsııalardy, semınarlardy, kórmelerdi, forýmdardy, sondaı-aq otbasylyq, ataýly is-sharalardy (banketter, úılený toılary, mereıtoılar, eske alý, týǵan kúnder, shyǵaryp salý, «qudalyq», toı, «betashar» jáne basqalar), onyń ishinde úıde jáne adamdar kóp jınalatyn ózge de is-sharalardy uıymdastyrýǵa, ótkizýge jáne olarǵa barýǵa tyıym salynady.
Budan basqa, qyzmeti jańartylmaǵan obektilerge (bılıard, karaoke, boýlıng-ortalyqtar, batýttar, kompıýterlik klýbtar, túngi klýbtar, býkmekerlik keńseler jáne oıyn klýbtary) barýǵa tyıym salynady, sondaı-aq «Ashyq» pılottyq jobasy iske asyrylatyn obektilerdi qospaǵanda, olardyń jumys rejımine sáıkes jabylǵannan keıin obektilerde bolýǵa tyıym salynady.
Qaýly 16 maýsym kúni saǵat 00.00-den bastap kúshine enedi.