«Sary» aımaqqa ótken Atyraý oblysynda bir adam koronavırýstan qaıtys boldy
Atyraý oblysynda sońǵy kúnderi koronavırýs ınfektsııasyna shaldyqqandardyń sany azaıdy. Máselen, ótken táýlik – 7 aqpanda 23 naýqas tirkeldi. Atyraý qalasynda qaýipti vırýstyń belgisi 21 adamnan rastalyp otyr. Al, Isataı men Mahambet aýdandarynda bir-bir adamnyń vırýs juqtyrǵany anyqtalǵan.
Bul Atyraý oblysynyń «sary» aımaqqa ótýine sebep bolǵan.
«Qazir 2 865 adam úı jaǵdaıynda em qabyldaý úshin oqshaýlandy. Al, ınfektsııalyq statsıonarlarda 206 naýqas emdelip jatyr. Onyń ishinde modýldik aýrýhanaǵa 100, aýdandardaǵy ınfektsııalyq statsıonarlarǵa 51, ftızıopýlmanologııalyq ortalyqqa 39, al, №2 oblystyq aýrýhanaǵa 15, Jylyoı aýdanyndaǵy Teńiz ken ornynda ashylǵan ııfektsııalyq statsıonarǵa 1 patsıent jatqyzylǵan. Ótken táýlikte qaýipti vırýsqa shaldyqqan 1 naýqas qaıtys boldy», -dep habarlady oblystyq densaýlyq saqtaý basqarmasynyń baspasóz qyzmeti.
Ótken táýlikte koronavırýs ınfektsııasyn juqtyrǵan 421 naýqas saýyǵyp shyqty.
Eske sala ketelik, budan buryn Atyraý oblysynda koronavırýs juqtyrǵan 222 naýqas ınfektsııalyq statsıonarda jatqanyn jazǵan edik.