Sarqannyń 98 jastaǵy turǵyny referendýmda daýys berdi

TALDYQORǴAN. QazAqparat – Almaty oblysy Sarqan aýdany Qoılyq aýylynda turatyn 98 jastaǵy ekinshi dúnıejúzilik soǵys ardageri Berlibek Ysqaquly kóppen birge óz tańdaýyn jasady, dep habarlaıdy QazAqparat tilshisi.

Aqsaqal elimizdiń jańa dáýirge qadam basyp, Ata Zańymyz árqashan halyq múddesine jumys jasaıtynyna senimdi.

«Táýelsiz elimizdiń bolashaǵy degende barlyǵymyz bir kisideı̆ alańdaýmyz kerek. Meniń jasym júzge taıap qalsada eshqashan saı̆laýdan tys qalǵan emespin. Saı̆laýǵa ár azamattyń barýy mindetti dep bilemin. Konstıtýtsııaǵa ózgerister engizý jóninde referendým – elimizdiń kemel bolashaǵyn aıqyndap, Jańa Qazaqstannyń jańǵyrar ýaqyty. Elimiz aman, jurtymyz tynysh bolsyn! Ár otbasyna bereke-birlik tileı̆min!» - dedi soǵys ardageri.

Esterińizge sala keteıik, buǵan deıin Almaty oblysynda jarkenttik 100 jastaǵy keıýana referendýmǵa kelip, daýys bergenin habarlaǵan bolatynbyz.