Sarqan aýdanynda dárilik shópterden 150 tonnaǵa jýyq ónim jınaldy

TALDYQORǴAN. QazAqparat - Almaty oblysynyń Sarqan aýdanynda dárilik shópterden 149 tonna ónim jınaldy, dep habarlaı̆dy QazAqparat tilshisi.

«2010 jyly qurylǵan «AZIA GOLD» jaýapkershiligi shekteýli seriktestigi tabandy eńbektiń arqasynda alqap aýmaǵyn ulǵaı̆typ, bıylǵy jylǵa 490 gektarǵa jetkizgen. Alqaptardyń basym bóligine kóp jyldyq valerıanka, jalbyz, túı̆medaq, kalendýla, dolana sııaqty shıpaly shópter bar. Al bıylǵy jyly alǵash ret 49 gektar jerge mııa (solodka) tuqymy sebilgen.

Jetisý ólkesinde tek bizdiń aýdanda ǵana ósetin dárilik shópke suranys óte joǵary«,- delingen Sarqan aýdany ákimdiginiń baspasóz qyzmetiniń habarlamasynda.

Vedomstvonyń aqparatyna sáıkes, atalǵan mekeme ónimderin Reseı̆, Germanııa jáne Túrkııa elderine eksporttaı̆dy.

«Bıylǵy jyly ónim jaqsy shyqty. Jıyn-terindi tolyǵymen aıaqtadyq. Qazirgi tańda jınalǵan dárilik shópterdi tazartyp, keptirip, untap, qapqa salyp shet elderge shyǵarýǵa daı̆yndap jatyrmyz. Keleshektegi josparymyz zaýyt salý. Zaýytty jeke qarajat esebinen Martin Bauer Group 192,7 mln teńge qarjylandyrmaq. Sondaı̆-aq, zaýytta 35 adamǵa turaqty jumys orny qarastyrylǵan», - dedi kásiporyn basshysy Alekseı̆ Vıktorovıch.

Erekshe kútimdi qajet etetin emdik shópter 149 ga sebilip, tamshylatyp sýǵarylady.

«2018 jyly memlekettiń qoldaýynyń nátıjesinde 211 mln.teńge sýbsıdııa berilip, júzege asqan tyń jobanyń biri»,- delingen vedomstvonyń habarlamasynda.

Aı̆ta keteı̆ik, aldaǵy jyly Qarǵaly aýylynda atalǵan seriktestik dárilik shóp óndirý zaýytyn ashýdy josparlap otyr. Jobalyq quny 442,7 mln teńge.