Saryózektegi sarbaz ólimi: resmı habarlamada ne aıtylǵan

<p>ASTANA. KAZINFORM &ndash; Qurlyq áskerleriniń baspasóz qyzmeti Jetisý oblysy Saryózek gornızonyndaǵy sarbaz ólimine qatysty resmı aqparat taratty.</p>

- Bıyl 14 qańtarda Saryózek garnızonynda jaýyngerlik daıyndyq boıynsha dalalyq oqý-jattyǵý kezinde qarýdy qoldaný erejesin buzý saldarynan qatardaǵy jaýynger Q. oq jaraqatyn alyp qaza tapty, - delingen habarlamada.

Atalǵan fakti boıynsha qylmystyq is qozǵaldy. Qazir oqıǵanyń mán-jaıy anyqtalyp, tergeý amaldary júrip jatyr. Sondaı-aq oqıǵa ornynda qurlyq áskerleriniń bas qolbasshysy bastaǵan arnaıy komıssııa jumys istep jatyr.

- Qyzmet barysynda sarbaz ózin oń jaǵynan kórsetti. Áskerı bólim qolbasshylyǵyna qandaıda bir aryz, shaǵym aıtqan emes. Qyzmettik mindetterin tolyq kólemde oryndady. Ata-ana men týǵan-týysqandardyń qaıǵysyn, árıne jaqsy túsinemiz, olardyń qaıǵylaryna ortaqpyz. Ár komandır úshin de jaýyngerdiń qazasy qaıǵyly jaıt. Qurlyq áskerleriniń qolbasshylyǵy áskerı qyzmetshiniń otbasy men jaqyndaryna qaıǵysyna ortaqtasyp kóńil aıtady. Olarǵa barlyq qajetti kómek kórsetedi, - dep sendirdi qurlyq áskerlerinen.

Aıta keteıik, atalǵan istiń mán-jaıyn bilý úshin bizdiń agenttik Qorǵanys mınıstrligine resmı saýal joldady.

Keshe Saryózek gornızonynda qatardaǵy jaýynger mert bolǵanyn habarlaǵan edik.