Saryózek garnızonynda áskerı qyzmetshige abaısyzda oq tıdi

<p>ASTANA. KAZINFORM &mdash; Áskerı qyzmetshi qarý-jaraq qoldaný erejesin saqtamaı, sonyń saldarynan oq jaraqatyn alǵan. Bul aqparatty QR Qurlyq áskerleriniń baspasóz qyzmeti rastady.</p>

«2024 jylǵy 2 qyrkúıekte Saryózek garnızonyndaǵy 12740 áskerı bóliminiń kelisimshart boıynsha áskerı qyzmetshisi qarý-jaraqty qoldaný erejesin buzý saldarynan oń qolynan jaraqat aldy. Áskerı qyzmetshi Taldyqorǵan qalasyndaǵy oblystyq aýrýhanaǵa jatqyzylyp, oǵan barlyq qajetti medıtsınalyq kómek kórsetildi», — delingen habarlamada. 

Aqparatta aıtylǵandaı, qazir áskerı qyzmetshiniń densaýlyq jaǵdaıy birqalypty. 

«Atalǵan fakti boıynsha qylmystyq is qozǵaldy. Tergeý múddesi úshin ózge aqparat jarııalaýǵa jatpaıdy», — deıdi qurlyq áskerinen.