«Saryarqa» gaz qubyry Reseı gaz qubyrymen qosylýy múmkin

<p>&laquo;Saryarqa&raquo; gaz qubyryn Reseı gaz qubyrymen qosý múmkindigi qarastyrylyp jatyr. Bul týraly Energetıka mınıstrliginen málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«2022 jyly «Saryarqa» magıstraldyq gaz qubyrynyń 2,3-kezeginiń qurylysy» tehnıkalyq-ekonomıkalyq negizdemesi jasalǵan. «Saryarqa» magıstraldyq gaz qubyry «Beıneý-Bozoı-Shymkent» gaz qubyrynan gaz alatynyn, onyń aldyńǵy 2022-2023 jyldardaǵy qysqy kezeńde 106 paıyz júktelgenin eskere otyryp, jobany iske asyrý «Beıneý-Bozoı-Shymkent» magıstraldyq gaz qubyrynyń 2-shi jelisiniń qurylysy aıaqtalǵannan keıin múmkin bolady. Qazirgi ýaqytta «Beıneý-Bozoı-Shymkent» gaz qubyrynyń 2-shi jelisiniń qurylysy» tehnıkalyq-ekonomıkalyq negizdemesi ázirlenip jatyr. 2024 jyldyń 2-toqsanynda aıaqtalady. Jobany 2026 jyly aıaqtaý josparlanǵan», - dep atap ótedi mınıstrlikten agenttiktiń resmı saýalyna oraı.

Osy oraıda mınıstrlik «QazaqGaz» UK» AQ «Saryarqa» magıstraldyq gaz qubyry 4-shi kezeginiń qurylysynyń tehnıkalyq-ekonomıkalyq negizdemesin túzetý boıynsha korporatıvtik rásimderdi bastaǵanyn atap ótedi. Túzetý aıasynda gaz qubyrynyń ótkizý qabiletin saǵatyna 606 myń tekshe metrden 801 myń tekshe metrge deıin ulǵaıtý úshin 2 kompressorlyq stansa salý qarastyrylady.

«Balama nusqa retinde «Saryarqa» magıstraldyq gaz qubyryn Reseı Federatsııasynyń gaz qubyrymen qosý múmkindigi qarastyrylyp jatyr. «Gazprom» JAQ elimizdiń soltústik-shyǵys aımaqtaryn gazdandyrý jobasynyń aldyn ala tehnıkalyq-ekonomıkalyq negizdemesin ázirleýde. Joǵaryda aıtylǵandardy eskere otyryp, TEN jáne bastapqy málimetterdi alǵannan keıin (gaz baǵasy, gaz qubyrlarynyń baǵyttary jáne t.b.) gazdandyrýdyń ońtaıly nusqasy ázirlenetin bolady», - dedi vedomstvodan.